حب الإنترنيت
**********
حبيت كتير يا قلبي وبرضك اتحبيت
بالوصل مرة والهجر مرة وف كل مرة عانيت
ومرة دايب ومرة تايب واقول ياريت وياريت
لاالفرح دايم وفي الحزن قايم ولا م الشقا اتهديت
***********
وقلت أجرب مرة حب الإنترنيت
هايم في بحر غرامك أرمي الشباك م البيت
لاركبت تاكسي ولا كلت محشي حتي الحمام خليت
من غير لانظرة ولا ابتسامة ولا رحت كمان ولا جيت
تكتب رسايل في الغرام وتحط ع النار زيت
تقدح خيالك في البحور وتجيب بأحسن بيت
تصحى الليالي طويلة تلعن وتخرب بيت
فإذا الحبيب كان مش غريب طلع له جوه البيت
كانت مراته هي اللي داخله معاه ع النيت
والست رخره حبت. قال ايه ؟ ! ده راجل البيت
أخوكم علاء الديــــــــــــن
الإثنين سبتمبر 14, 2009 7:04 pm